Слово грешника к Магдалине, плачущей у ног Христовых
Уступи, Магдалино, от Христову ногу!
Мне даждь место: аз имам о гресех скорбь многу.
Уже твои слезами скверны очищены,
И беззакония тебе уже отпущены.
Аз еще валяются во греховной тине;
Аз хощу у ног Его искати простине (то есть прощения),
Уступи, о жено, от ногу Христову!
Да и аз милость Его обрящу готову.
Уже ты их довольно слезами омочила,
И прощение грехом твоим получила.
Аз еще хощу упасть Ему на нозе,
И, яко грешник, больше рыдати на мнозе.
Уступи, Магдалино, возлюбившая Христа на лестне
И припадшая к Его святей плесне!
Уже ты до сытости сердце усладила,
Лобзанием любезным Тому угодила,
Аз хощу к любимому мне припасти Богу
И лобзать усердно чистую Его ногу!
(Из сочинений святителя Димитрия, митрополита Ростовского)
Ответ Магдалины
Всем щедр есть Господь наш, всех вмещает нетесно:
Всех приемлет, всем рад, всех любит, — веждь известно.
Аще бо со всего мира зде притекали люди:
У ног Христа моего не тесно им буди.
Вкупе убо со мною ног Его имися;
Аз о моих, ты о своих гресех молися!
Просмотр(19)
