СКОРОПОСЛУШНИЦА, ИКОНА БОЖИЕЙ МАТЕРИ
Икона Божией Матери именуемая «Скоропослушница» .Празднование 9 ноября
ИСТОРИЯ
Первообраз иконы находится в монастыре Дохиар на Афонской горе и, по монастырскому преданию, был написан при жизни основателя обители преподобного Неофита, в X—XI веке. К 1664 году икона помещалась в нише, на наружной стороне стены, перед входом в монастырскую трапезу. Как-то трапезарь обители Нил ночью проходил с зажженной лучиной мимо иконы так близко к ней, что копоть от лучины легла на святой лик. Он услышал от иконы голос:»
Впредь не подходи сюда с зажженной лучиной и не копти Моего образа«.Нил сперва испугался, но потом объяснил себе, что с ним говорил кто-нибудь из братии, успокоился, и продолжал ходить мимо иконы с зажженной свечой и ненамеренно коптить образ. Тогда от образа второй раз раздался голос:Монах, недостойный этого имени, долго ли тебе так беспечно и бесстыдно коптить Мой образ«.При этих словах трапезарь ослеп. Тут только он понял, чьи это были слова, и принял наказание, как должное. Поутру братия нашла его распростертым перед иконой и узнала от него о произошедшем. Образу воздали поклонение, зажгли перед ним неугасимую лампаду, а новоизбранному трапезарю было поручено всякий вечер совершать перед иконой каждение фимиамом. Нил же ежедневно, обливаясь слезами, молил Богоматерь о прощении и решил не отходить от иконы, пока не получит исцеления. Молитва его была услышана. Когда он однажды плакал перед святыней, послышался тихий и милостивый голос: «Нил, твоя молитва услышана. Прощаю тебя и вновь даю зрение твоим очам. Возвести братии обители, что Я — их покров и защита монастыря, посвященного архангелам. Пусть они и все православные прибегают ко Мне в нуждах, и никого Я не оставлю. Всем призывающим Меня буду Я Предстательница, и по ходатайству Моему Сын Мой исполнит прошения их. И будет икона Моя именоваться «Скоропослушницей», потому что всем притекающим к ней буду являть Я милость и услышание скорое»
Нил прозрел, и молва о всем совершившемся перед иконой быстро разошлась по Афону, привлекая множество иноков на поклонение святыне. В Дохиаре было установлено особое и постоянное чествование прославленной иконы. Проход в трапезу, над которым находилась икона, был закрыт, так что образовалось подобие часовни, а справа от иконы выстроен храм в честь образа. Для безотлучного нахождения перед иконой был избран особый монах, которому было порушено следить за лампадами, утром и вечером совершать перед иконой молебствия, наблюдать за чистотой часовни и храма «Скоропослушницы». По вторникам и четвергам братия собором служит молебствия образу.
От иконы «Скоропослушница» полилось множество чудес. Благодатью иконы прозревали слепые, ходили хромые и расслабленные, спасались из плена и оставались целыми при кораблекрушении. На Руси списки с иконы всегда пользовались большой любовью и почитанием, многие прославились чудесами — особенно исцелениями от падучей и беснования.
ЧТИМЫЕ СПИСКИ
Московский
С Московским списком связано исцеление бесноватой вдовы из Рузы, Анастасии Фроловой. 20 лет она страдала припадками, возобновлявшимися у нее всякий праздник, воскресенье, среду и пятницу. Она неистово кричала и билась, так что несколько сильных мужчин не могли удержать ее, и все приходили в ужас. То же с ней бывало во время церковных служб и когда при ней заговаривали о чем-нибудь священном. Родные посоветовали ей побывать у иконы «Скоропослушницы». Когда она приехала в Москву, икону переносили с Полянки, из дома Афонского подворья в часовню великомученика Пантелеимона на Никольской улице. Страдания женщины прекратились, когда отслужили молебен. Это было 14 ноября 1887 года.
В январе 1889 года от этого образа получила исцеление от падучей болезни, сопровождаемой припадками беснования, московская крестьянка Марфа Степановна Палкина.
В часовне великомученика Пантелеимона круглый год совершались перед этой молебные пения с акафистами, а накануне 9 ноября — торжественная всенощная. В честь этой иконы на Ходынском поле был освящен храм при первой гренадерской артиллерийской бригаде.
Однажды 18-летний крестьянин села Троицкого, или Корекозово, Александр Фролов, отправился на Афон и стал иночествовать в Руссике. В 1872 году он прислал священнику родного села прекрасно написанную со светлым, умиляющим ликом икону «Скоропослушницы», которую просил поставить в храме, а ему выслать деньги, необходимые для уплаты иконописцу. Так как в церкви не оказалось нужных денег, то Александр просил передать икону в Троицкий Лютиков монастырь, что в пол-версте от Перемышля, и прислать в Руссик те деньги, которые будут выручены за первые три дня пребывания иконы в обители. В храмовый праздник обители, Троицын день, икона была внесена в монастырь, и тогда же от нее получили исцеление несколько женщин села Троицкого. Молва об этом привлекла к иконе много окрестного населения. Началось непрерывное служение молебнов, и сбор достиг за три дня 150 рублей, которые и были отправлены на Афон.
В 1873 году получил исцеление у иконы привезенный в монастырь в цепях 18-летний юноша, подвергавшийся страшным припадкам. Летом того же года в селе Корекозове было два ужасных пожара. Монастырская братия выносила икону к месту пожара и когда останавливались у домов, находившихся рядом с горевшими, огонь прекращался.
10 июля 1897 года девушка из села Троицкого, не умевшая плавать, стала тонуть, купаясь в Оке и попав в глубокую яму. Утопая, вспомнила она об иконе «Скоропослушницы» и всей душой призывала Богоматерь на помощь. Подъехали мужики в лодке и с помощью весла извлекли ее из воды.
Космодемьянский
В Космодемьянске Казанской губернии имелся список бывший святыней Троицкого Космодемьянского женского черемисского монастыря и находившийся в его домовой церкви.
Елеонский
В 1938 году Афонская обитель Дохиар принесла список с иконы в дар Русской Духовной Миссии в Иерусалиме [2].
Ныне чудотворный список хранится в правом приделе Спасо-Вознесенского храма Елеонской женской обители в Иерусалиме [3].
Невская Скоропослушница
Петербургский список иконы отличается по иконографии от афонского прообраза, почему называется еще «Невской Скоропослушницей». На нем изображена Божия Матерь без Богомладенца, с молитвенно простертой десницей.
Образ этот был написан для строящегося Никольского храма Александро-Невской Лавры как вклад великого князя Сергея Александровича и его супруги преподобномученицы Елизаветы Феодоровны. Для иконы в храме был вырезан киот по образу киота Владимирской иконы Божией Матери в Успенском соборе Кремля для того, чтобы подчеркнуть ее особое значение для Петербурга и всей России.
Очень скоро образ прославился чудотворениями и стал весьма почитаться петербуржцами. Особо почитался он и святыми императором Николаем II и его семьей, которые возносили свои молитвы к святой иконе до последних дней своей жизни.
После закрытия и разрушения храма чудотворная икона была перенесена в Свято-Троицкий собор Лавры, где находится и поныне. Каждодневно можно увидеть людей, молящихся у этого чудотворного образа и получающих по молитвам своим помощь Пречистой Девы [4].
Молитвы
Тропарь
К Богородице притецем, сущии в бедах,/ и ко Святей иконе Ея ныне припадем,/ с верою зовуще из глубины души:/ скоро наше услыши моление, Дево,/ яко скоропослушница нарекшаяся:/ Тебе бо раби Твои в нуждах/ готовую помощницу имамы.
Молитва
О, Пресвятая Дево, Мати Господа вышняго, Скоропослушная заступнице всех, к Тебе с верою прибегающих! Призри с высоты небеснаго величия своего на мене непотребнаго, припадающаго к иконе Твоей, услыши скоро смиренную молитву мене грешнаго и принеси ю к Сыну своему: умоли Его, да озарит мрачную душу мою светом Божественные благодати Своея и очистит ум мой от помыслов суетных, да успокоит страждущее мое сердце и исщелит раны его, да вразумит мя на добрая дела и укрепит работати Ему со страхом, да простит вся содеянная мною злая, да избавит вечные муки и не лишит небеснаго Своего царствия. О преблагословенная Богородице: ты благоизволила еси нарещися во образе своем Скоропослушница, повеливающи всем притекати к тебе с верою: не призри убо мене скорбнаго и не попусти погибнути мне в бездне грехов моих. На Тя по Бозе все мое упование и надежды спасения, и твоему покрову и предстательству поручаю себе во веки. Аминь.
Акафист Пресвятой Богородице перед Ея иконой, именуемой «Скоропослушница»
Кондак 1
Избранней от всех родов Божией Матери и Царице, скоро-послушливо внемлющей молитвам смиренным, и токи целебныя изливающей верным от иконы Своея святыя, благодарственное приносим пение: Ты же, всемилостивая Заступнице, преклонися благоутробно к гласом нашим хвалебным, и от всяких бед свободи ны, зовущия Ти: Радуйся, всеблагая Скоропослушнице, прошения наша во благо исполняющая.
Икос 1
Ангелов лицы благоговейно Тебе служат, и вся Небесныя Силы немолчными гласы Тя ублажают, Богородице Дево, яко рождшую Ангелов Царя Христа Бога, мы же грешнии, подражати им дерзающе, и достойно благохвалити Тя недоумеюще, смиренномудренно вопием Ти сице: Радуйся, неприступнаго Божества селение; Радуйся, Ангельское непрестающее удивление. Радуйся, Трапезо святая, хлебом жизни нас питающая; Радуйся, маслино благоплодная, елеем милости сердца наша умащающая. Радуйся, даров Божия благодати сокровищнице неистощимая; Радуйся, чудес реко приснотекущая. Радуйся, обидимых заступнице; Радуйся, печальных утешительнице. Радуйся, бедствующих помощнице; Радуйся, болящих целительнице. Радуйся, разслабленных укрепительнице; Радуйся, плененных свободительнице. Радуйся, всеблагая Скоропослушнице, прошения наша во благо исполняющая.
Кондак 2
Видяще милосердие Твое неисчетное, Владычице, и многая чудеса, Тобою явленная и присноявляемая чрез святыя иконы Твоя, имиже, яко звездами богосветлыми, весь мир христианский украсила еси, величаем Тя, возвеличившую род наш Твоим благоволением, и с любовию поклоняемся пречистаго лика Твоего изображению, зовуще Сыну Твоему Христу Богу: Аллилуиа.
Икос 2
Разум небесный открывая, Богородице, благоволила еси в земном жребии Твоем, Святей Горе Афонстей, многими чудесы прославити икону Твою, юже Сама Скоропослушницею наименовала еси гласом Божественным от нея изшедшим, да вси ведуще таковое Твое о ней благоволение, песненно Тебе вопиют: Радуйся, милосердая всех нас о Христе Мати; Радуйся, Духа Святаго жилище. Радуйся, любве Божия к человеком проявление; Радуйся, рода человеческаго возвышение. Радуйся, светлая палато Бога Слова; Радуйся, Святая святых большая. Радуйся, рождшая Божественнаго Агнца; Радуйся, возрастившая нам клас живота. Радуйся, брашна негиблющаго стамно всезлатая; Радуйся, Питательнице Питателя вселенныя. Радуйся, яко предстательством Твоим спастися уповаем; Радуйся, яко молитвами Твоими наследие небесное получити чаем. Радуйся, всеблагая Скоропослушнице, прошения наша во благо исполняющая.
Кондак 3
Силою Божиею действующи, неблагоговейно ходившаго пред святою Твоею иконою Дохиарския обители трапезаря Нила слепотою и разслаблением тела наказала еси, Богородице Дево, да прочее не дерзает оскорбляти Тя в пречистем Твоем образе, егоже в залог благоволения Твоего всей Афонстей горе даровала еси милостиво, да все насельницы ея гласы преподобными вопиют рождшемуся от Тебе Богу Слову: Аллилуиа.
Икос 3
Имея любовь велию к людем, искупленным Кровию Сына Твоего и Бога, Владычице Всеблагая, покаяние трапезаря Нила милостиво прияла еси и исцеление ему от слепоты и разслабления даровала еси, да служит непрестанно Тебе и молитвы немолчныя приносит Ти пред многоцелебною Твоею иконою, взывая сице: Радуйся, Иоакима и Анны прозябение святое; Радуйся, рождшая Сокрушившаго главу древняго змия. Радуйся, Преблагословенная в женах; Радуйся, рождшая нетленно Спаса душ наших. Радуйся, девство и рождество чудесно сочетавшая; Радуйся, во обою непорочно Себе сохраньшая. Радуйся, всея вселенныя велие чудо; Радуйся, всех родов земных удивление. Радуйся, согрешающих исправление; Радуйся, кающихся в добродетели утверждение. Радуйся, непамятозлобная наказательнице; Радуйся, благосердная вразумительнице. Радуйся, всеблагая Скоропослушнице, прошения наша во благо исполняющая.
Кондак 4
Бури житейския избежавшии, и в тихое пристанище спасения на Гору Афонскую притекшии, обретают зде утешение благодатное и помощь Божественную от святыя иконы Твоея, Богородице, от неяже лучи чудес испущаеши, и токи милости Твоея изливаеши неоскудно. Темже вси хотящии в пустынех Афона жати спасение, величая матерния щедроты Твоя, благодарственно воспевают Богу: Аллилуиа.
Икос 4
Слышав глас Божественный от святыя иконы Твоея, Владычице, трапезарь Нил позна Тя Скоропослушницу быти всем, с верою и любовию притекающим к чудотворному Твоему образу, и прияв от него вразумление своему невежествию и прозрение своим слепотствующим очесем, возгласи Тебе благодарственно от души: Радуйся, временным наказанием невежд умудряющая; Радуйся, согрешающих покаяние милостиво приемлющая. Радуйся, на путь исправления заблуждающихся направляющая; Радуйся, раны греховныя благоутробно врачующая. Радуйся, в нерадении коснеющих любвеобильно обличающая; Радуйся, горестию телесных страданий вечных мук избавляющая. Радуйся, волнение страстей утишающая; Радуйся, руку помощи Твоея погибающим простирающая. Радуйся, безнадежных надеждо; Радуйся, скорбящих отрадо. Радуйся, нагих одеяние; Радуйся, сирых призрение. Радуйся, всеблагая Скоропослушнице, прошения наша во благо исполняющая.
Кондак 5
Боговещанныя глаголы Твоя, уведевше иноцы обители Дохиарския, Тебе, Божественней Скоропослушнице, храм соорудиша при трапезе, идеже чудотворная икона Твоя пребывает, Пречистая Дево, и вся верныя утешает знаменьми Твоея милости, еяже не лиши и нас смиренных по долгу Тя воспевающих, и вопиющих чудес Творцу Богу: Аллилуиа.
Икос 5
Видевше токи чудес, от святыя иконы Твоея Скоропослушницы источаемыя, вси иноцы Горы Афонския стекахуся к ней на поклонение. Ты же, Мати Божия, всем, по коегождо потребе, дары милости Твоея неоскудно подавала еси от чудотворнаго Твоего образа, подвизая благодарно вопити Тебе: Радуйся, Мати милосердия и щедрот; Радуйся, одушевленный Престоле Вседержителя. Радуйся, Сыну Божию плоть заимодавшая; Радуйся, чертоже безсеменнаго уневещения. Радуйся, Безплотнаго воплотившая; Радуйся, Бога с человеки соединившая. Радуйся, преподобных всежелательное зрение; Радуйся, постников Божественное радование. Радуйся, пустынножителей тихое веселие; Радуйся, иноков крепкое упование. Радуйся, демонския полки побеждающая; Радуйся, враги спасения человеческаго посрамляющая. Радуйся, всеблагая Скоропослушнице, прошения наша во благо исполняющая.
Кондак 6
Проповедует Гора Афонская милости и чудеса Твоя, Пребла-гословенная Мати Господа нашего, и светло красуется многими чудотворными Твоими иконами, посреде коих икона Твоя, Скоро-послушница Тобою нареченная, яко луна полная, лучами чудес немерцаемо сияет, просвещая души наша светом Божия благодати, и подвизая нас хвалебно взывати прославльшему Тя Триединому Богу: Аллилуиа.
Икос 6
Возсиял еси в пречистей иконе Твоей, Марие Богородице, свет спасения всем, блуждающим во тьме грехов и страстей, и сию нарекла еси Скоропослушницею, молящимся пред нею с верою и благоговением от души, скорую помощь Твою подающи вопиющим Ти таковая: Радуйся, молние, души просвещающая; Радуйся, громе, соблазняющия устрашаяй. Радуйся, благоотишное прибежище утомленных треволнением житейскаго моря; Радуйся, небурное пристанище обуреваемых волнами страстей. Радуйся, юных наставнице целомудрия; Радуйся, покрове и ограждение девства. Радуйся, окаменение сердечное умягчающая; Радуйся, хладность душевную благодатно согревающая. Радуйся, на стезю спасения верных наставляющая; Радуйся, от путей погибельных претыкающихся удаляющая. Радуйся, Споручнице наша к Сыну Твоему и Богу; Радуйся, присно умоляющая Его о помиловании нас грешных. Радуйся, всеблагая Скоропослушнице, прошения наша во благо исполняющая.
Кондак 7
Хотящи всем показати любовь Твою велию к христианскому роду, Богородице Преблагая, в жребий Твой земный Гору Афонскую избрала еси, и в ней селения иноческая умножила еси, да вси обуреваемии мирскою суетою, возмогут обретати зде тихое и удобное пристанище ко спасению и, Тобою вспомоществуеми, сподобятся наследия Небеснаго и пети со святыми Пресвятей Троице: Аллилуиа.
Икос 7
Новое знамение милосердия Твоего явила еси, Владычице, в чудеснем прославлении святыя иконы Твоея Скоропослушницы, не токмо иноком Горы Афонския, но и всем православным христианом, в нихже благоговейно чествуется сея иконы Твоея изображение, да вси Тебе зовут: Радуйся, Бога нашего Мати; Радуйся, в рождестве и по рождестве Дево. Радуйся, яко Тя блажат вси роди; Радуйся, яко сотвори Тебе величие Сильный. Радуйся, яко призре на смирение Твое Господь; Радуйся, яко возжеле доброты Твоея Царь царей. Радуйся, Дщи благословенная Отца Небеснаго; Радуйся, Родительнице неискусомужная Сына Предвечнаго. Радуйся, приятелище непорочное Духа Святаго; Радуйся, Таиннице Божественныя благодати. Радуйся, горняго мира украшение; Радуйся, дольняго мира заступление. Радуйся, всеблагая Скоропослушнице, прошения наша во благо исполняющая.
Кондак 8
Странники и пришельцы есмы на земли и, по глаголу апостола, не имамы зде пребывающаго града, но к кому прибегнем, Владычице, в скорбех странствия нашего, аще не к Тебе, Всеблагая? Не отвержи нас, Мати Божия, не рцы нам: «не вем вас, грехов ради ваших!», но помилуй нас, сирых и безпомощных, и приими нас в вечныя кровы, Покровительнице наша, да радостно вопием во славе Небесней Царю славы Христу: Аллилуиа.
Икос 8
Всем верным утешительно есть взирати на святую икону Твою, Владычице, на нейже зрим Тя, на руку Твоею держащую Предвечнаго Младенца Господа нашего Иисуса Христа, Емуже поклоняющеся боголепно яко Творцу и Богу нашему, Тебе, истинней Богородице, умиленно глаголем: Радуйся, обрадованная архангельским благовещением Приснодево; Радуйся, Невесто неневестная. Радуйся, Мати Света умнаго, всех души просвещающаго; Радуйся, Престоле одушевленный небесе и земли Творца. Радуйся, кроткая голубице; Радуйся, непорочная агнице. Радуйся, чаше, черплющая радость; Радуйся, неисчерпаемый сосуде воды животныя. Радуйся, мироположнице благоухания Христова; Радуйся, Еюже злосмрадие страстей наших отгонится. Радуйся, Еюже познахом Сына Божия; Радуйся, Еюже научихомся поклонятися Триединому Богу. Радуйся, Всеблагая Скоропослушнице, прошения наша во благо исполняющая.
Кондак 9
Вси роди блажат Тя по долгу, благословенная Марие Богородице, от востока бо и до запада хвально имя Твое, иноков же лицы Покровительницу Тя свою именуют, наипаче подвизающийся в жребии Твоем Горе Афонстей, юже особым благоволением Твоим осенила еси, многая чудеса в ней содевающи, и милости Твоя богатыя насельником ея являющи, да благодарно вопиют о Тебе Богу: Аллилуиа.
Икос 9
Ветии суемудреннии недоумевают познати тайну Твоего прис-нодевства, Богородице, ниже могут изъяснити силу чудотворную, от икон Твоих проистекающую, во исцеление недужных, и на всяку пользу душевную и телесную человеком. Мы же православно и несомненно Приснодевою Тя исповедующе, верно поклоняемся иконе Твоей святей, и вопием Ти сице: Радуйся, неверных сомнительное слышание; Радуйся, верных известная похвало. Радуйся, из боку чисту Христа нетленно рождшая; Радуйся, ключи девства невредившая в рождестве Твоем. Радуйся, Мати и Дево преблагословенная; Радуйся, Богородице препрославленная. Радуйся, дев величание; Радуйся, матерей присное радование. Радуйся, едина непорочная и добрая в женах; Радуйся, рождшая обетованнаго Сокрушителя главы змия. Радуйся, падших прародителей осуждения древняго избавльшая; Радуйся, Эдем заключенный человеком отверзшая Рождеством Твоим. Радуйся, всеблагая Скоропослушнице, прошения наша во благо исполняющая.
Кондак 10
Спасение устрояющи христоименитым людем, благоволила еси, Богородице, земный жребий Твой, Гору Афонскую, в население иноком определити, и рекла еси в видении первому пустынножителю Афонскому, преподобному Петру, быти Горе сей в жилище иноком присное, обетовании благими утешивши его, яко будеши Помощница и Покровительница всем, подвизающимся в ней богоугодно, дарами потребными их снабдевающи, и от всяких бед спасающи, да невозбранно поют Богу: Аллилуиа.
Икос 10
Стена еси заступления, Дево, иноком православным, и всем подвижником девства и чистоты. Темже жребий Твой земный. Гору Афонскую, невходну женам сотворила еси, да без соблазна греховнаго пребывают в ней иноцы, на Тебе едину по Бозе надежду спасения возлагающе, и Тебе зовуще сице: Радуйся, неувядаемый цвете девства; Радуйся, крине сельный чистоты. Радуйся, светоносная сене небесная, ревнителей чистоты осеняющая; Радуйся, премудрости Божия свитче, рачителей целомудрия умудряющая. Радуйся, иноком благоподвизаю-щимся Ходатаице спасения; Радуйся, пустынножителей Горы Афонския Покрове и Ограждение. Радуйся, радость благодатную изливающая в сердца боголюбивая; Радуйся, утешение духовное подающая душам огорченным. Радуйся, младопитательнице дев и безматерних сирот; Радуйся, любовию Жениха безсмертнаго девственная ликостояния услаждающая. Радуйся, в тяжкой борьбе с приражениями страстей плотских крепкая помощнице; Радуйся, обителей иноческих неусыпная блюстительнице. Радуйся, всеблагая Скоропослушнице, прошения наша во благо исполняющая.
Кондак 11
Пение наше смиренное, от полноты любве и усердия Тебе приносимое, не презри, Чистая, и не отвратися от нас, оскверненных многими грехми, но помози нам, Всеблагая, покаянием очиститися от скверны греховныя, и преуспети в чистем и богоугоднем житии, Тя подвигоположницу и помощницу в сем имуще, да возможем достойно и праведно вопити ко Господу: Аллилуиа.
Икос 11
Светлыми лучами чудес святая икона Твоя немерцаемо сияет, Богородице Дево, и весь мир благодатно озаряет, прогоняющи всякое вражие действо силою Божиею, от Нея исходящею; темже радуемся мы, грешнии, имуще таковый залог Твоего к нам благоволения, и Тебе, Скоропослушнице молений наших, благодарственно взываем: Радуйся, деннице солнца незаходимаго; Радуйся, заре дне невечерняго. Радуйся, утро спасения нам возсиявшая; Радуйся, рождшая Жениха безсмертнаго душ человеческих. Радуйся, желания наша богоугодная исполняющая; Радуйся, в скорбех и обстояниих на помощь к нам благоутробно ускоряющая. Радуйся, раю мысленный, всякаго утешения духовнаго преисполненный; Радуйся, от исполнения Твоего и нам капли утешения источающая. Радуйся, зной страстей наших прохлаждающая; Радуйся, благодатное безстрастие ищущим, его усердно подающая. Радуйся, всех в чистоте целомудрия живущих зело любящая; Радуйся, в сонних и видениих избранники Божия посещающая. Радуйся, всеблагая Скоропослушнице, прошения наша во благо исполняющая.
Кондак 12
Благодать Божия, присущая святей иконе Твоей, Скоропослушница Тобою нареченной, Богомати Владычице, влечет к Ней всех скорбящих и обремененных, и нетщи отходят они от сего источника Твоих милостей и щедрот: в скорбех отраду, в напастех защиту, в болезнех цельбу неоскудно получая от чудотворнаго образа Твоего, Всеблагая, и благодарственно вопиют благих подателю Богу: Аллилуиа.
Икос 12
Поюще чудеса Твоя, Владычице, и велию милость Твою к христианскому роду, вемы, яко недовольни есмы к достойному прославлению Тебе, Честнейшей Херувим и Славнейшей без сравнения Серафим, обаче надеющеся на безприкладное милосердие Твое, Всеблагая, смиренномудренно приносим Ти песни таковыя: Радуйся, пристанище небурное подвижников благочестия; Радуйся, безмолвст-вующих сладкая собеседнице. Радуйся, в пустынех и горах скитающихся благодатная отрадо; Радуйся, тайных среди мира рабов Божиих тайное вразумление. Радуйся, грешников кающихся с Богом примирение; Радуйся, Горы Афонския верховная правительнице. Радуйся, Петра пустыннолюбиваго посещением Твоим зде озарившая; Радуйся, Афанасиа богомудраго явлением Твоим зде облагодатст-вовавшая. Радуйся, многия преподобныя Афонския славою небесною прославльшая; Радуйся, насельником горы сея особую любовь Твою являющая. Радуйся, телес наших безмездная Целительнице; Радуйся, душ наших к Царствию Горнему Путеводительнице. Радуйся, всеблагая Скоропослушнице, прошения наша во благо исполняющая.
Кондак 13
О Всепетая Мати, Скоропослушницею нарекшаяся во святей иконе Твоей, Богородице Марие! Приими милостивно сие малое моление наше, еже от усердия нашего принесохом Ти с верою и любовию, и умоли приснопоклоняемую Троицу избавити ны геенны огненныя, тьмы несветимыя и мучения вечнаго: да предстательством Твоим унаследим Царствие Небесное, и сподобимся со святыми пети Богу: Аллилуиа.
(Этот кондак читается трижды, затем икос 1 и кондак 1)
Просмотр(467)