Владимирская икона Божией Матери
Праздники в честь Владимирской иконы: 3 июня (21 мая по старому стилю), 6 июля (23 июня ст. стиль), 8 сентября (26 августа ст. стиль). Наиболее торжественное празднование совершается 8 сентября (по новому стилю), установленное в честь сретения Владимирской иконы при перенесении ее из Владимира в Москву.
Чудотворная икона является одним из путей, которым Благодать Святого Духа способна подаваться верующим. Одной из самых ранних из известных сохранившихся чудотворных икон Древней Руси является Владимирская икона Божией Матери. С этим, одним из самых чтимых Образов Богородицы в Русской православной церкви, связаны многие важнейшие события Русского государства на протяжении столетий.
История чудотворной Иконы раскрывается нам во многих летописях и сказаниях. По церковному преданию XV века образ Божией Матери был написан апостолом Лукой еще при жизни Богородицы на доске стола, за которым Святое Семейство имело трапезу. По Вознесении Господа на небо св. апостол Лука, как повествует Священное Предание, написал образ Богородицы. Первый образ был показан Божией Матери, который Она благословила словами «Благодать рождшегося от Меня и Моя с сею иконою да будет».
Икона оставалась в Иерусалиме до 450 года, а затем была перенесена в Константинополь, и много столетий находилась во Влахернском храме. Около 1131 года Патриарх Лука Хрисоверг послал на Русь в дар великому князю Киевскому Юрию Долгорукому века список с Образа. Сын князя Юрия Долгорукого Андрей, впоследствии прозванный Боголюбским (канонизированный при Петре I в 1702 году в лике благоверного), отправляясь в 1155 году в Ростов, взял с собою Икону Божией Матери, находившуюся в Богородичном женском монастыре города Вышгорода, который Андрей получил от своего отца в 1149 году после занятия им Киева.
Об иконе Святой Богородицы в Вышгороде рассказывали чудеса, что она ночью сама отходила от стены и становилась посреди церкви, как будто показывая, что желает уйти в другое место. Князь Андрей воспринял это как предзнаменование и решил перенести икону в суздальскую землю, чтобы даровать своей земле святыню, дарующую особое благословление Божие. Икона была забрана из монастыря тайно ночью, при помощи монастырского священника Николая и диакона Нестора, чтобы не вызвать возмущения горожан. В ту же ночь князь с иконой, княгиней и дружиной отправился в Ростов.
Когда князь Андрей попытался продолжить свой путь после привала в городе Владимире, его лошади неожиданно заупрямились и встали, не желая трогаться с места. Князь сменил лошадей, но и те отказались сдвинуться с места. Обратившись к Господу с молитвой о даровании пути, князь Андрей вдруг узрел Саму Царицу Небесную, которая повелела ему оставить Икону Богородицы во Владимире, а на сем месте устроить храм и монастырь в честь Её Рождества. Князь Андрей возвратился в город вместе с иконой Божьей Матери. На месте же своей молитвы и Чудесного Видения князь Андрей заложил новое село и свою будущую резиденцию – Боголюбово.
Став князем Владимирским, Ростовским и Суздальским в 1157 году, через год на крутом холме возле реки Клязьмы князь Андрей заложил Успенский собор, который должен был хранить великую святыню – икону Божией Матери. Через два года после начала строительства Успенский собор был торжественно освящен, и в него была внесена икона Божией Матери. Князь велел богато украсить икону золотом, серебром, драгоценными камнями и жемчугом. На оклад Иконы только золота ушло около 12 килограмм. В этот же период поля Иконы были увеличены специально для нового массивного оклада. Икона с тех пор стала именоваться «Владимирской», а сам князь Андрей получил прозвище «Боголюбский».
Владимирская икона Божией Матери многократно являла чудеса:
Во время мятежа 1174 года, когда был убит князь Андрей Боголюбский, священник Николай с клиром совершили крестный ход с Иконой Владимирской Божией Матери по улицам города — и мятеж утих.
7 февраля 1238 года войска хана Батыя взяли Владимир, они сожгли Успенский собор, однако сама Икона осталась невредимой.
В 1395 г. на Русь из Великой Орды выступил Тамерлан. Великий князь Василий I Димитриевич, не надеясь на военные силы, истощенные Куликовской битвой (1380 г) и нашествием Тохтамыша (1382 г.), послал во Владимир за иконой Божией Матери. В день принесения иконы в Москву и всенародного моления перед ней 26 августа Тамерлан, не дойдя до Москвы, не переходя реки Оки у Коломны, без видимых причин повернул свои войска обратно. Предание говорит, что ночью Тамерлану во сне явилась лучезарная Дева в чудном сиянии, в сопровождении небесных воинств и святителей — и повелела уходить захватчикам прочь. Пораженный этим чудом, Тамерлан вместе с войском быстро удалился за пределы земли Русской.
На месте «сретения» (т.е. встречи) москвичами со святителем Киприаном и князьями Владимирской иконы в 1397 году был основан Сретенский монастырь, давший название улице Сретенка. В память об этом событии икону каждый год 26 августа торжественным крестным ходом приносили из Успенского собора Кремля в Сретенский монастырь.
Чудные заступничества Владимирской Иконы случились и в 1408 году, при нашествии ордынского хана Едыгея, и в 1451 году, при нашествии царевича Мазовша, и при великом стоянии на реке Угре 1480 года. В память о последнем событии, 23 июня было установлено второе празднование иконы. В память чудного спасения Москвы в 1521 году от казанских татар во главе с Махмет-Гиреем было установлено третье празднование в честь этой иконы — 21 мая.
После окончательного освобождения Руси от монголо-татарского ига в 1480 году Икона Владимирской Божией Матери была окончательно перенесена из Владимира в Москву, где она была установлена в новом Успенском соборе по левую строну царских врат иконостаса. Икона находилась в глубоком киоте с двумя глухими створки. Створки открывались только на большие церковные праздники или при сугубом молитвенном пении перед Иконой. Во Владимире же остался точный, так называемый «запасной», список с иконы, написанный преподобным Андреем Рублевым.
После октябрьского переворота в 1918 году Икона была изъята из Успенского собора. В 1918 -1919 годах в Комиссии по сохранению и раскрытию древней живописи проводилась реставрация иконы (реставратор Г. О. Чириков) на лицевой стороне иконы была открыта первоначальная живопись, полностью сохранившаяся на ликах Богоматери и Младенца, а также частично на его волосах над лбом, на правой руке и на кисти левой, в нескольких небольших фрагментах на одеждах и на золотом фоне. На одеждах Христа были обнаружены фрагменты живописных поновлений XIII века. Оказалось, что в конце XIV – начале XV в. Икона была полностью переписана.
В 1921 году Владимирскую икону Божией Матери отправили в запасники Третьяковской галереи. Позднее в 1922 году ее перевезли в Государственную реставрационную мастерскую, где был снят драгоценный оклад (передан в Гохран, ныне в Оружейной палате Кремля) и была проведена первая полная расчистка иконы от поздних наслоений и олифы. Впервые после долгого времени икону поместили в экспозицию Третьяковской галереи только в конце 30-х годов XX века.
В октябре 1993 года во время парламентского кризиса икона спасла страну от распада: Образ на несколько часов привезли в патриарший кафедральный Богоявленский кафедральный собор Москвы для сугубой молитвы и поклонения православных. В 1995 году, в память 600-летия избавления Москвы от Тамерлана, икону на несколько дней установили в соборе Сретенского монастыря. В середине 90-х годов XX века Святейший Патриарх Алексий II и Священный Синод Русской Церкви неоднократно обращались к Российскому правительству с просьбой вернуть Святыню на ее законное место — в Успенский собор Кремля. До настоящего времени этот вопрос не разрешен. Правительство пошло лишь на уступку, разрешив перенести эту икону в домовую церковь святителя Николая при Государственной Третьяковской галерее, где она ныне и находится.
Иконографически Владимирская икона Божией Матери относится к типу Елеуса (Умиление). На поясном изображении Младенец припал щекой к щеке Матери. Икона передаёт полное нежности общение Матери и Ребёнка. Мария предвидит страдания Сына в Его земном пути. В отличии от прочих икон Умиления на Владимирской Иконе видна подошва ступни Младенца Христа – «пяточка». Изначально Икона была создана как двусторонняя, выносная. В Вышгороде она еще имела рукоять с трехлопастной вилкой, отпиленную при увеличении полей иконы во Владимире. На обороте иконы изображены Этимасия (престол уготованный) и орудия страстей, относимые очень приблизительно к началу XV века (времени второй починки иконы).
С Владимирской иконы часто писались различные списки, часть которых получили особые именования. Некоторые чтимые чудотворные списки Владимирской иконы:
Волоколамская Владимирская (вклад Малюты Скуратова в Иосифо-Волоколамский монастырь, ныне в собрании Центрального музея древнерусской культуры и искусства имени Андрея Рублёва).
Владимирская-Селигерская икона (принесена на Селигер Нилом Столбенским в XVI в.).
Псково-Печерская «Умиление» (1524)
Заоникиевская (из Заоникеевского монастыря) (1588)
Красногорская (Черногорская) (1603)
Оранская (1634, Оранский Богородицкий монастырь)
Всемилостивый Господь через образ «Владимирской Богоматери» во все времена посылает заступление всем в молитве к ней прибегающих. Пред иконой Пресвятой Богородицы «Владимирская» молятся об избавлении от нашествия иноплеменных, о наставлении в Православной вере, о сохранении от ересей и расколов, об умирении враждующих, о сохранении России.
Молитва Божьей Матери перед Ея иконой, именуемой «Владимирская»
О Всемилостивая Госпоже Богородице, Небесная Царице, Все-мощная Заступнице, непостыдное наше Упование! Благодаряще Тя о всех великих благодеяниях, в роды родов людем российским от Тебе бывших, пред пречистым образом Твоим молим Тя: сохрани град сей (или: весь сию, или: святую обитель сию) и предстоящия рабы Твоя и всю землю Русскую от глада, губительства, земли трясения, потопа, огня, меча, нашествия иноплеменных и междоусобныя брани. Сохрани и спаси, Госпоже, Великаго Господина и Отца нашего Святейшаго Патриарха Московскаго и всея Руси, и Господина нашего (имя рек), Преосвященнейшаго епископа (или: архиепископа, или: митрополита) (титул), и вся Преосвященныя митрополиты, архиепископы и епископы православныя. Даждь им Церковь Российскую добре управити, верныя овцы Христовы негиблемы соблюсти. Помяни, Владычице, и весь священнический и монашеский чин, согрей сердца их ревностию о Бозе и достойно звания своего ходити коегождо укрепи. Спаси, Госпоже, и помилуй и вся рабы Твоя и даруй нам путь земнаго поприща без порока преити. Утверди нас в вере Христовой и во усердии ко Православней Церкви, вложи в сердца наша дух страха Божия, дух благочестия, дух смирения, в напастех терпение нам подаждь, во благоденствии — воздержание, к ближним любовь, ко врагом всепрощение, в добрых делех преуспеяние. Избави нас от всякаго искушения и от окамененнаго нечувствия, в страшный же день Суда сподоби нас ходатайством Твоим стати одесную Сына Твоего, Христа Бога нашего. Емуже подобает всякая слава, честь и поклонение со Отцем и Святым Духом, ныне и присно, и во веки веков. Аминь.
Акафист Пресвятей Богородице в честь чудотворныя Ея иконы, нарицаемыя «Владимирския».
Кондак 1
Взбранной Воеводе, Пресвятей Владычице нашей, хвалебную песнь воспеваем смиреннии раби Твои, взирающе на первописанный образ Твой, Богомати, с Предвечным Младенцем Иисусом, на руку Твоею седящим, поклоняемся Ти с любовию и молим Тя, Пресвятая Богородице. Ты же, яко имущая державу непобедимую, сохрани и спаси ны, умиленно Тебе вопиющия:
Радуйся, Пресвятая Владычице Богородице, благодать и милость иконою Твоею нам являющая.
Икос 1
Архангел и ангел лицы сопредсташа окрест святыя иконы Твоея, Небесная Царице, благодатно Тобою осененныя: егда бо святый евангелист Лука первее образ твой написа и принесе к Тебе, Пречистая, Ты же, о Госпоже Царице, возрадовалася еси спасения нашего ради и прорекла еси пречистыми усты Твоими: «с сим образом благодать Моя и сила да пребудут». Темже убо взирающе на икону Твою в Божественных храмех, благолепно преукрашенную, ублажаем честное и благодатное происхождение ея, преклоняем колена пред величеством Твоим, Владычице, и со слезами воспеваем сице:
Радуйся, Небесная Царице, Мати Бога и Господа небесе и земли;
радуйся, архангелов и ангелов Владычице.
Радуйся, Божественныя благости Подательнице;
радуйся, рода христианскаго Заступнице.
Радуйся, Всемилостивая, первописанный образ Твой от апостола приимшая;
радуйся, той дати на спасение рода человеческаго изволившая.
Радуйся, яко благоволила еси ему пребывати сохранно на земли;
радуйся, яко даровала еси тому благодать исцелений.
Радуйся, иконою Твоею от всякаго зла нас сохраняющая;
радуйся, тою источники чудес всюду источающая.
Радуйся, яко Твоим ходатайством всяких благ наслаждаемся;
радуйся, яко Тебе и Сыну Твоему пред честною иконою Твоею благоговейно поклоняемся.
Радуйся, Пресвятая Владычице Богородице, благодать и милость иконою Твоею нам являющая.
Кондак 2
Видя чудес множество, бываемое во храме от принесенныя в Вышград святыя Твоея, Пречистая, иконы, яже иногда возвышашеся и стояше на воздусе, иногда же ношашеся во храме сюду и сюду, благоверный князь Андрей, возгоревся духом пламеннаго усердия, паде на земли пред чудотворною иконою Твоею, и внезапу осенен бысть велиим светом от лика Твоего, Пресвятая Богородице, темже умоляше Тя, да явиши святую волю Твою, и да благословиши его отити в пределы своя. И мы убо под пречистый покров Твой прибегаем и тепле вопием: помози нам, Всеблагая Мати, достойно прейти земное поприще жизни, да обрящем страну светоносную и безпредельную, восхваляюще Тя и поюще Господеви: Аллилуия.
Икос 2
Разум не доразумевает достойно песньми духовными восхваляти Тя, небесная Царице, егда многое множество чудес от иконы Твоея, несенныя во град Ростов, явила еси: мнози бо болящии исцелишася; человек некий, утопаяй и уже во глубину погрузивыйся, от потопления дивно Тобою избавися; пресвитера некоего жена умершая оживе и здрава бысть. Благодать Твоя, Владычице, не престает и до ныне обильно чудодействовати, точащи, яко от источника, от пречистыя Твоея иконы всяких недугов исцеления. Темже убо прославляем Тя благочестным пред святым образом Твоим поклонением, умиленно поюще Ти:
Радуйся, Всемилостивая, славою дивнаго врачевания шествие иконы Твоея знаменовавшая;
радуйся, многия немощныя исцелившая.
Радуйся, Всеблагая, благою помощию уповающих на Тя не оставляющая;
радуйся, отчающимся надежду возвращающая.
Радуйся, Заступнице наша, упование нас, недостойных, не отвергающая;
радуйся, наша усердныя молитвы приемлющая.
Радуйся, Всеблаженная, безмерныя Твоя щедроты на нас изливающая;
радуйся, Твоею благостынею нам благодеющая.
Радуйся, всемощная Помощнице наша, во всякой нужде молящимся Ти скоро помогающая;
радуйся, от напрасныя смерти нас спасающая.
Радуйся, Богоблагодатная, страх Божий в сердца наша вселяющая;
радуйся, истинно нас молитися научающая.
Радуйся, Пресвятая Владычице Богородице, благодать и милость иконою Твоею нам являющая.
Кондак 3
Силою, данною от Тебе, Владычице, честная Твоя икона не на пути точию цельбоносно прославися, но и чудным проявлением святыя воли Твоея: егда бо благоверный князь нощию пред иконою Твоею пламенне моляшеся, Ты Сама, небесная Царице, Божественным светом сияющи, явилася еси ему, глаголющи, не отходити от предел Владимирских; он же со благоговением и радостию возблагодари Тя, яко сподобися узрети Матерь Божию, и тогожде дне повеле церковь заложити и, велелепно украсив ю, внесе в ню торжественне чудотворную Твою икону, нареченную «Владимирскою». Мы же вси, смиренно припадающе пред чудною Твоею иконою, восхваляем дивная дела Твоя, имиже от древних времен страна сия славно прославляется, и благодарне воспеваем Тя, яко устроила еси и зде, во храме сем, благодатное утверждение, из глубины души хваляще Тя и взывающе ко Господу: Аллилуия.
Икос 3
Имущи премногую милость к роду человеческому, Пресвятая Владычице, не оставила еси страну Российскую в день брани со враги, пришедшими от брегов Волжских, при князе Андрее, иже, исходя на брань, слезно умоляше Тя, такожде и вси воини вопияху Ти, да от рук вражиих избавиши я. Ты же, Пресвятая Богомати, не отринула еси их усердныя молитвы, и дивным от чудотворныя Твоея иконы явлением славную победу над враги предзнаменовала еси, озаривши велиим светом и огненными лучи все воинство христолюбивое. Темже и мы, преклоньше колена, молим Тя: охраняй и ныне отечество наше, спаси Благочестивейшаго Государя нашего Императора [имярек], огради и Его в годину брани, укрепи Его мышщу, и возвыси десницу, покори под нозе Его всякаго врага и супостата, да в мире и тишине воспеваем Ти сице:
Радуйся, Заступнице, Твоим всемощным заступлением от меча иноплеменных нас избавляющая;
радуйся, усердныя молитвы о нас ко Господу приносящая.
Радуйся, предстательством Твоим праведно движимый гнев Божий утоляющая;
радуйся, ходатайством Твоим пред Господем на милость к нам Его преклоняющая.
Радуйся, яко смиренным молением нашим внемлеши;
радуйся, яко скорое утешение нам подати поспешаеши.
Радуйся, яко иконою Твоею от всякаго бедствия нас покрываеши;
радуйся, яко Тою от всякаго злаго обстояния нас соблюдаеши.
Радуйся, в годину брани Твоею помощию уповающих на Тя не оставляющая;
радуйся, тихое и безмолвное житие нам дарующая.
Радуйся, скиптры благочестивых царей утверждающая;
радуйся, от всех вражиих сил и козней нас защищающая.
Радуйся, Пресвятая Владычице Богородице, благодать и милость иконою Твоею нам являющая.
Кондак 4
Бурею гордости одержим быв, и презрев страх Божий и святыню града Владимира, владыка Феодор неразумная словеса изрече на святую икону Твою, Пресвятая Богородице, церковь, идеже та пребываше, дерзну затворити, и тако Бога прогнева, и абие праведным судом Божиим на смерть осужден бысть. Мы же, таковое вразумление Твое непочитающим Тя видяще, и чудотворному образу Твоему покланяющеся, умиленное благоговение с верою и любовию приносим Ти, и уповающе на милость Твою, смиренно молим Тя: милостива к нам пребуди, Владычице, и избави ны от всякия беды и напасти, да выну славим и восхваляем Твое милосердие, взывающе Богу: Аллилуия.
Икос 4
Слышавше внезапу весть о убиении благовернаго князя Андрея, буйнии мятежницы от народа, движимии безначалием и убийцами, ринушася град Владимир опустошати и расхищати. Лик же священников и вси благочестивии людие притекоша к Тебе, Богомати, и носяще чудотворную Твою икону, слезныя мольбы на стогнах града вознесоша Ти, да прекратиши безумное умов движение, и мир во граде водвориши. Тогда убо дивное зрелище бысть, идеже бо святую икону Твою пронесоша, толпы народа смиряхуся и, падше на колена, со слезами и рыданием моляхуся. Мы же, видяще толико чудную силу сердца жестокия умягчати, смиренно молим Тя, Пресвятая Владычице, умилосердися на ны, грешныя и непотребныя, уврачуй души наша на стропотнем пути греха и страстей, обуревающих ны, и приими сию хвалебную песнь:
Радуйся, Путеводительнице, шествовати по пути благочестия христианом помогающая;
радуйся, в добрых делех преуспевающих укрепляющая.
Радуйся, отечество наше от междоусобныя брани охраняющая;
радуйся, злая начинания и козни вражия расторгающая.
Радуйся, от пагубнаго духа века сего нас отклоняющая;
радуйся, повиноватися властем нас научающая.
Радуйся, дерзновенно возстающих противу богопоставленныя власти обличающая;
радуйся крамолы нечестивых сынов погибельных разрушающая.
Радуйся, юныя умы от заблуждений на путь правый направляющая;
радуйся, душевредная учения низлагающая.
Радуйся, житие наше на земли добре устрояющая;
радуйся, к Царствию небесному путь нам показующая.
Радуйся, Пресвятая Владычице Богородице, благодать и милость иконою Твоею нам являющая.
Кондак 5
Боготечней звезде уподобившися, икона Твоя, Богомати, лучами чудес освещает страну нашу православную. Кто бо исчислит вся благодеяния, яже от нея подаеши всем требующим? Како явила еси чудо новое и преславное, охраняющи град Твой от великих бедствий, како невидимою всемогущею десницею изгнала еси безчисленная полчища вражия, и предстательством Твоим вручила еси державу благочестивому князю Михаилу, и тако благодеющи, всесильным Твоим заступлением не оставила еси погибнути уповающих на Тя. Сего ради с усердием поклоняемся пречестней иконе Твоей, и достойно славословим Тя, поюще Богу: Аллилуия.
Икос 5
Видевше людие града Владимира икону Твою, Владычице, и весь град свой на воздусе, с умилением уразумеша, яко в чудном видении проявися великое Твое, Богомати, благоволение к избранию на престол Владимирский благовернаго князя Всеволода, благочестия ради его. Дивна сила Твоя, Богородице, яко солнце светиши в явлении Твоем на облацех небесных и тем показуеши святую волю Твою. Благоволи убо, Пречистая, ниспослати нам с благодатию и силу молитвы, да, бодрствующе со благодарением, воспеваем хвалы сия:
Радуйся, Всеблагая, яко любовь ко благочестию в верных вселяеши;
радуйся, яко благочестие в земли нашей ограждаеши.
Радуйся, яко сохраняеши и защищаеши Православие;
радуйся, яко научаеши и соблюдаеши пастырей Церкви.
Радуйся, Всесвятая, яко святую спасительную веру на земли утверждаеши;
радуйся, яко ереси и расколы обличаеши.
Радуйся, Благодатная, живоносный источник благодати верующим источающая;
радуйся, слово премудрости просящим дарующая.
Радуйся, маловерныя и суеверныя вразумляющая;
радуйся, неверных смыслы Божественным светом озаряющая.
Радуйся, блага земная и суетная презирати научающая;
радуйся, к небесным и нетленным сокровищам умы и сердца наша направляющая.
Радуйся, Пресвятая Владычице Богородице, благодать и милость иконою Твоею нам являющая.
Кондак 6
Проповедует чудеса Твоя и великия Твоя милости вся земля православная, яко дивно оградила еси святым покровом чудотворную Твою икону от огненнаго пламене, объявшаго соборный храм, в немже святая икона пребываше. Темже и мы Тебе вопием: о, Пресвятая Владычице, призри всемилостивым оком Твоим и на ны, со слезами предстоящия пред чудотворным Твоим образом, и молитвами Твоими пред престолом Всевышняго избави ны от пламене огня вечнаго, да с веселием благодарственныя хвалы приносим Ти, воспевающе Господеви: Аллилуия.
Икос 6 Возсия паки светом чудес пречестная икона Твоя, Владычице, во время нашествия татарскаго, егда бо нечестивыя полчища Батыя, вшедше во святый храм, начаша вся разрушати, злато, сребро и другая украшения с прославленнаго образа Твоего похищати, и предавати вся мечу и огню. Тогда преславное чудо показася всем православным христианом: святая икона Твоя паки в пламени пребысть неврежденна. Тако уверившеся о Твоем покрове, Пречистая, сохраняющем и защищающем страну Российскую, благодарственне прославляем великая чудеса Твоя, и от глубины сердечныя вопием Ти:
Радуйся, святую икону Твою во спасение наше из пламене чудесно сохранившая;
радуйся, сию премногими чудесы по всей вселенней прославившая.
Радуйся, яко молящимся пред святою иконою Твоею душевное и телесное здравие подаеши;
радуйся, яко всем уповающим на Тя спасение даруеши.
Радуйся, яко Ты еси святых храмов первейшее украшение;
радуйся, яко Ты еси всех домов благословение.
Радуйся, яко Ты еси святых обителей покров и защищение;
радуйся, яко Ты еси подвижников дивное укрепление.
Радуйся, всех благочестивых всевеселящее радование;
радуйся, всего рода христианскаго заступление.
Радуйся, Путеводительнице наша, вводящая многих в чертог Царства небеснаго;
радуйся, Заступнице, престолу Сына Твоего и Бога предстоящая и о нас ходатайствующая.
Радуйся, Пресвятая Владычице Богородице, благодать и милость иконою Твоею нам являющая.
Кондак 7
Хотя великий князь Василий пренести святую икону Твою, Владычице, в Москву на защищение стольному граду, егда бысть великое нашествие агарянское, посла во Владимир от духовнаго чина люди за честною иконою Твоею, нарицаемою «Владимирскою», крепкое бо заступление от тоя позна. Приближающейся же святей иконе, в сретение ея изыдоша сам князь с бояры, и святитель Божий Киприан со всем священным собором и множеством народа, и поклонишася пред нею до земли, яко Самой Тебе, Пречистая Богородице, к ним приходящей. И вси, взирающе на образ Твой, многи слезы проливаху, святая же Церковь радостно взываше: «приидите, Российстии собори, приидите, верных совокупления, во сретение Царицы Богоотроковицы!» И ныне вси православнии людие, притекая к цельбоносней Твоей иконе, с любовию Тя славят, поюще Богу: Аллилуия.
Икос 7
Дивная чудеса быша от Тебе, Заступнице, в нашествие агарянское, тогожде бо дне, в оньже в Москву принесена бысть честная икона Твоя, явилася еси вождю агарянскому с ангелы небесными, обнаженныя мечи держащими, и сим видением устрашивши вражия полки, заставила еси я спешно бежати от предел Московских. Кто же возможет изрещи Твою к нам любовь, Богородице? Кто возглаголет силы Твоя, дарованныя иконе Твоей? Сего ради песнь хвалы и благодарения воспеваем Ти сице:
Радуйся, во граде Москве чудотворною Твоею иконою пребывати благоволившая;
радуйся, и град Владимир, по пренесении иконы, Твоим заступлением не оставившая.
Радуйся, иконою Твоею град Москву освятившая;
радуйся, тою уповающих на Тя возвеселившая.
Радуйся, яко мольбы народа, во сретение святыя иконы изшедшаго услышала еси;
радуйся, яко слезныя возгласы его: «о, Мати Божия, спаси землю Российскую», прияла еси.
Радуйся, яко явлением со святители московскими и множеством вооруженных ангелов врага устрашила еси;
радуйся, яко от предел Московских отъити грозно ему повелела еси.
Радуйся, славную победу над враги без брани подавшая;
радуйся, без пролития крове одоление православному воинству даровавшая.
Радуйся, град Москву от разорения избавльшая;
радуйся, страну нашу от порабощения спасшая.
Радуйся, Пресвятая Владычице Богородице, благодать и милость иконою Твоею нам являющая.
Кондак 8
Странней и предивней совершившейся помощию Твоею, Владычице, победе, вси концы земли удивишася и хвалу воспеша Ти; великий же князь узрев чудотворную Твою икону, во сретение его из града изнесенную, со слезами припаде к ней и возблагодари Тя сице: «о, Всепетая, непостыдная христиан Заступнице! Ты явила еси нам велие милосердие, паче упования избавльши ны от безбожных врагов». Темже и святая Церковь прославляет сию дивную память, священно совершающи ю. Мы же веруем и надеемся, яко не презриши и ныне глас моления рабов Твоих, имя Твое на помощь призывающих и воспевающих Богу: Аллилуия.
Икос 8
Вси православнии людие славят имя Твое, о Всепетая Мати, честным бо предстательством Твоим многое множество чудес явила еси, страну Российскую сохраняющи, и множество врагов, нападающих на ню, устрашающи и далече от нея отгоняющи. Несть числа милостем Твоим, Владычице: дивна суть дела Твоя, и дивна пречестная Твоя икона, пред неюже припадающе, с верою и упованием глаголем Ти сице:
Радуйся, Заступнице усердная, молитвы святителя ионы о спасении града Москвы услышавшая;
радуйся и святыни его невредимо сохранившая.
Радуйся, моления угодника Божия инока Антония милостивно приявшая;
радуйся, чрез него победу над враги предвозвестившая.
Радуйся, во святый град нечестивое воинство не допустившая;
радуйся, святыя храмы от поругания избавившая.
Радуйся, яко Российскую державу и ныне защищаеши;
радуйся, христолюбивому воинству российскому силу и мужество дарующая.
Радуйся, Твоим заступлением враги наша устрашающая;
радуйся, полки чуждия в бегство обращающая.
Радуйся, грады и веси Российския от разрушения спасающая;
радуйся, земное наше житие добре устрояющая.
Радуйся, Пресвятая Владычице Богородице, благодать и милость иконою Твоею нам являющая.
Кондак 9
Всякое естество ангельское, видя Тя, Богородительнице, у престола Сына Твоего предстоящую, и за страну Российскую и за вся христианы молящуюся, восхваляет Тя. Людие же града Москвы, видевше, како великим князем Иоанном дивно побежден бысть хан орды татарския, и силою Твоего предстательства безчисленная полчища его бежаша, со слезами славу благодарения Ти принесоша, яко всемогущей Заступнице и всесильной Помощнице. И мы убо, в сем милость к нам Божию и молитв Твоих действо разумевающе, прославляем Всевышняго Господа, чудотворную силу иконе Твоей даровавшаго, и Ею нас от татарскаго рабства избавльшаго, воспевающе Ему: Аллилуия.
Икос 9
Витийство человеческое не возможет по достоянию благохвалити Тя, Пресвятая Богородице, и воспети неисчетная чудеса Твоя, от первописанныя Твоея иконы являемая, имиже Церковь святую благоукрашаеши, грады Российския от бед избавляеши, и вся христианы от всякаго зла невредимы соблюдаеши. Обаче, Благая сущи, приими от нас, за премногую любовь к нам и милость Твою, сие хвалебное пение, да сохраняеми Твоим всемощным заступлением, благодарственне вопием Ти:
Радуйся, Хранительнице наша, яко молитвы первосвятителей российских Петра, Алексия и Ионы прияла еси;
радуйся, яко сожещи град Москву врагу возбранила еси.
Радуйся, яко слезныя мольбы блаженнаго Василия услышала еси;
радуйся, яко тому чудесное видение явила еси.
Радуйся, яко молебное пение святых Сергия и Варлаама прияти благоволила еси;
радуйся, яко ходатайством Твоим правосудие Божие умилостивила еси.
Радуйся, яко Ты еси державы нашея преславная Защитнице;
радуйся, яко Ты еси призывающих Тя непостыдное упование.
Радуйся, яко Ты еси всех труждающихся помощь и укрепление;
радуйся, теплая пред Богом о кающихся грешницех Предстательнице.
Радуйся, Пресвятая Владычице Богородице, благодать и милость иконою Твоею нам являющая.
Кондак 10
Спасти хотя душу свою и сокрушение имый о своих прегрешениих, великий князь Василий с молитвою и слезами притекаше к Тебе, Пресвятая Владычице, наипаче же при конце жития своего умиленно пред чудотворною Владимирскою иконою Твоею моляшеся, слезныма очима взирая на ню, и тако тихую и непостыдную кончину прият. Темже и мы, преклоньше колена пред Твоим пречестным образом, молим Тя, небесная Царице, не тщу сотворити надежду нашу на помощь Твою, и ходатайством Твоим избавити ны от лютыя смерти, да во утешении зовем Спасителю Богу: Аллилуия.
Икос 10
Стена еси и заступление всем, с верою и любовию прибегающим к Тебе, Пречистая Владычице, яко чудесне избавила еси царство Российское от полчищ татар крымских и казанских, внемлющи молитвам венценоснаго отрока Иоанна, иже умиленно пред святою иконою Твоею взываше к Тебе: «о, Пресвятая Госпоже Богородице, покажи милость Твою на роде христианстем и избави ны от нашествия неверных». Сего ради, осеняеми Твоим, Богомати, заступлением, и к Твоему взирающе пречистому образу, благодарственне вопием Ти:
Радуйся, Мати Божия, матернею любовию нас, грешных, возлюбившая;
радуйся, святою иконою Твоею, яко облаком светлым, нас ограждающая.
Радуйся, Милосердая, милосердия двери нам отверзающая;
радуйся, к делом милосердия и благотворения нас возбуждающая.
Радуйся, Всесвятая, святыя заповеди исполняти нас научающая;
радуйся, еже любити друг друга по заповеди Господни нас наставляющая.
Радуйся, Пренепорочная, в непорочнем житии верных укрепляющая;
радуйся, нас, грешных, к покаянию призывающая.
Радуйся, Богоблагодатная, благодатию Сына Твоего и Бога мрак греха в нас разгоняющая;
радуйся, осенением святыя Твоея иконы злых духов от нас отгоняющая.
Радуйся, Присноблаженная, блаженныя обители нам уготовляющая;
радуйся, молитвами Твоими двери райския нам отверзающая.
Радуйся, Пресвятая Владычице Богородице, благодать и милость иконою Твоею нам являющая.
Кондак 11
Пение всякое не довлеет к прославлению величества Твоего, Владычице, яко избавила еси град Москву от огненнаго разрушения: егда бо пламень огненный град обнимаше и приближашеся ко храму, идеже чудная сия икона Твоя стояше, мнози благочестивии людие ко храму устремишася, во еже спасти ю от огненнаго пламене, но не возмогоша подяти ю и изнести из храма; тою бо ты Сама, Заступнице, оградила еси святый храм и укротила еси бурю огненную во граде, явльшися верху храма во светозарнем одеянии, и ризами Твоими святый храм и град покрывающи. Темже, дивная дела Твоя поминающе, молим Тя, Пресвятая Богородице, и ныне воздвигни руце Твои к Сыну Твоему и Богу нашему, да милосердие Его неотступно будет от нас, вопиющих Ему: Аллилуия.
Икос 11
Светозарне сияет святая Твоя икона, Пречистая Владычице, явленными чудесы утешающи православныя люди российския, иже притекают к Тебе с молитвою в трудных обстояниих, уповающе на Твое заступление. Царь же Иоанн, исходя на брань ко граду Казани, все царство свое под покров Твой поручи; Ты же не отринула еси молитв его, и помощию Твоею славная победа над враги даровася. И мы убо, припадающе к Твоему святому образу, и все упование на Тя возложивше, воспеваем милость Твою сице:
Радуйся, усердная Заступнице, заступление во всех путех жизни нам подавающая;
радуйся, от всякия беды и напасти избавляющая.
Радуйся, Хранительнице наша, от нападения злых разбойников и тайных убийц нас охраняющая;
радуйся, от грабителей и татей жилища и достояния наша ограждающая.
Радуйся, Путеводительнице, путешествующим по морю тихое пристанище дарующая;
радуйся, страшныя бури и волны морския молитвами Твоими укрощающая.
Радуйся, Покровительнице, от огненнаго пламене нас покрывающая;
радуйся, от труса и потопления нас сохраняющая.
Радуйся, скорая Заступнице, от навета клеветников и поношения человеческаго нас защищающая;
радуйся, в сердцах наших злобы и вражды искореняющая.
Радуйся, теплая Молитвеннице, молитвами Твоими тлетворныя ветры и смертоносныя язвы прекращающая;
радуйся, от бездождия, града и глада нас спасающая.
Радуйся, Пресвятая Владычице Богородице, благодать и милость иконою Твоею нам являющая.
Кондак 12
Благодатию Твоею, Пресвятая Богородице, якоже древле, и днесь притекающия к цельбоносней Твоей иконе не оставляеши и призывающим Тя благопоспешне вспомоществуеши. И якоже услышала еси моления скорбнаго святителя Иова, слезне взывавшаго к Тебе, да спасеши в земли Российстей Православие, сице и от нас, грешных, приими умиленная моления, не остави милость Твою от нас, припадающих к пречестному образу Твоему, избави же нас от всякия беды и в печалех бедствующим скоро помози, да Твоим пречистым ходатайством спасаеми, благодарными усты поем Богови: Аллилуия.
Икос 12
Поюще дивная Твоя чудеса, умиленно припадаем пред пречистым образом Твоим, Владычице, и благоговейно лобызающе его, благодарственне воспоминаем заступление Твое царствующему граду в нашествие ляхов. Услышала бо еси скорбныя молитвы верных рабов Твоих и предвозвестила еси им скорое освобождение от врагов; и тако Тобою избавленнии, многия слезы благодарения пред святою иконою Твоею приношаху Ти. Приими и от нас похвальную песнь сию:
Радуйся, всемощная Владычице, благодатною Твоею силою от враг видимых и невидимых нас избавляющая;
радуйся, от смертоносных язв и тяжких недугов свобождающая.
Радуйся, Мати Света, слепым очеса отверзающая;
радуйся, истинным Светом сущих во тме и сени смертней озаряющая.
Радуйся, разслабленным утверждение и хромым хождение дарующая;
радуйся, падших благодатию Твоею возсталяющая.
Радуйся, Мати Слова, немым и косноязычным словеса открывающая;
радуйся, неверующих, еже прославляти Бога и воспевати Тя, научающая.
Радуйся, Врача рождшая, оставленных врачами на руце Свои приемлющая;
радуйся, нераскаянных грешников к покаянию обращающая.
Радуйся, всех Помоще, скорбным вдовицам и сирым помогающая;
радуйся, алчущих и жаждущих правды к Богу приводящая.
Радуйся, Пресвятая Владычице Богородице, благодать и милость иконою Твоею нам являющая.
Кондак 13
О, Всепетая и Всемилостивая Мати, Пречистая Госпоже Богородице! Приими малое сие моление ныне Тебе приносимое от нас, грешных и недостойных рабов Твоих, к чудотворному образу Твоему припадающих; призри милостивно на веру и упование наше, избави ны от всяких бед и скорбей, подаждь нам в жизни сей руку помощи, испроси у Сына Твоего и Бога нашего премногим грехом нашим прощение, и в час смертный сподоби ны прияти кончину живота нашего мирну, непостыдну, и внити в Царствие небесное, да выну прославляем безмерное милосердие Божие и Твое дивное о нас заступление, воспевающе вечно Богу: Аллилуия.
Сей Кондак глаголи трижды. И паки чтется 1-й Икос: Архангел и ангел лицы… и Кондак 1-й: Взбранной Воеводе…
Молитва ко Пресвятей Богородице
О, всемилостивая Госпоже Богородице, небесная Царице, всемощная Заступнице, непостыдное наше Упование! Благодарим Тя о всех великих благодеяниих, российским людем от Тебе бывших, от древле и до днесь от чудотворныя иконы Твоея явленных. И ныне, преблагая Владычице, призри на ны, грешныя и недостойныя рабы Твоя, яви нам милость Твою и моли Сына Твоего, Христа и Бога нашего, о еже избавитися нам от всякаго зла и сохранитися царствующим градом, всякому граду и веси, и всей стране нашей от глада, губительства, труса, потопа, огня, меча, нашествия иноплеменник и междоусобныя брани. Испроси Благочестивейшему, Самодержавнейшему, Великому Государю нашему Императору [имярек] и всему Царствующему Дому благоденственное и мирное житие, здравие, долгоденствие, во всем благое поспешение и спасение. [или: страждущую же страну Российскую от лютых безбожник и власти их Господь да свободит, и да возставит престол православных царей; верных рабов Его, в скорби и печали день и нощь вопиющих к Нему, многоболезный вопль да услышит и да изведет от погибели живот нашъ.] Сохрани и умудри пастырей Церкви, еже достойно пасти стадо Христово и право правити слово истины; укрепи христолюбивое всероссийское воинство, подаждь дух совета и разума военачальником, градоначальником и всем, иже во власти суть; ниспосли святое Твое благословение и всем православным христианам, покланяющимся и молящимся Ти пред цельбоносною Твоею иконою. Буди нам Заступница и Ходатаица пред престолом Всевышняго, идеже предстоиши. K кому убо прибегнем, аще не к Тебе, Владычице? Кому принесем слезы и воздыхания, аще не к Тебе, Пресвятая Богородице? Не имамы бо иныя помощи, не имамы иныя надежды, разве Тебе, небесная Царице. Под Твой покров притекаем, молитвами Твоими ниспосли нам мир, здравие, земли плодоносие, воздуха благорастворение, избави ны от всяких бед и скорбей, от всяких недугов и болезней, от внезапныя смерти и от всех озлоблений врагов видимых и невидимых. Вразуми и научи ны, о Всемилостивая Заступнице, како безгрешно прейти путь земнаго сего жития: Ты веси немощи наша, веси и согрешения наша, но и веру веси, и упование видиши; даруй же нам исправление греховныя жизни и умягчи злая сердца наша. Укрепи в нас правую веру, вложи в сердца наша дух страха Божия, дух благочестия, дух смирения, терпения и любве, в добрых делех преуспеяние, избави же ны от искушений, от пагубных душевредных учений, от неверия, развращения и погибели вечныя. Тебе убо просим, Пречистая Владычице, и припадающе пред святою Твоею иконою, молимся, умилосердися на ны и помилуй ны, в страшный же день Суда ходатайством и заступлением Твоим сподоби ны стати одесную Сына Твоего, Христа Бога нашего, Емуже подобает всякая слава, честь и поклонение, со безначальным Его Отцем, и Пресвятым и Благим и Единосущным Его Духом, ныне и присно и во веки веков. Аминь.
Тропарь, глас 4
Днесь светло красуется славнейший град Москва, яко зарю солнечную, восприемши, Владычице, чудотворную Твою икону, к нейже ныне мы притекающе и молящеся Тебе, взываем сице: о пречудная Владычице Богородице! Молися из Тебе воплощенному Христу Богу нашему, да избавит град сей и вся грады и страны христианския невредимы от всех навет вражиих и спасет души наша, яко Милосерд.
Кондак, глас 8. Подобен: Взбранной.
Взбранной Воеводе победительная, яко избавльшеся от злых пришествием Твоего честнаго образа, Владычице Богородице, светло сотворяем празднество сретения Твоего, и обычно зовем Ти:
радуйся, Невесто неневестная.
Величание
Величаем Тя, Пресвятая Дево, и чтем образ Твой святый, имже точиши исцеления всем, с верою притекающим.
Источник: Акафист Пресвятей Богородице в честь чудотворныя Ея иконы, нарицаемыя Владимирския. — Репринт — San Francisko: Издание Богородице-Владимирской женской обители, 1976. — 24 с. — Репр. изд.: М., 1886.
О Владимирской иконе Божией Матери
Владимирская икона Божией Матери Икона Божией Матери «Владимирския», по преданию, написана св. ап. Лукою на доске того стола, на котором совершали трапезу иисус Христос, Пресвятая Богородица и св. Иосиф Обручник. Когда Владычица увидела эту икону, Она произнесла: «Благодать Родившагося от Меня и Моя да будет всегда с этой иконою!» Икона Богородицы до 450 г. находилась в Иерусалиме, а затем была принесена в Константинополь. в 1-й пол. XII столетия Константинопольским патр. Лукою Хризоверхом св. икона была послана в дар вел. кн. Юрию Владимировичу Долгорукому, основателю первопрестольнаго града Москвы и поставлена им в Вышегородском девичьем монастыре. в 1160 г. св. благ. вел. кн. Андрей Боголюбский перенес икону во Владимир. с этого времени св. икона стала именоваться «Владимирской». На протяжении всей истории государства Российскаго через чудотворную икону Божией Матери Владимирской являлись знамения и обильно изливались благодеяния. Перед нею молились русские князья и цари и получали защиту в своих походах. Знатные люди Московскаго государства приносили присягу на верность своим государям также перед чудесной иконой Божией Матери Владимирской… Три раза, по молитвам русскаго народа перед чудотворным образом Ея «Владимирския» отечество наше спасалось без кровопролития от врагов: в 1395 г. 26 августа (8 сент.) от Тамерлана, в 1480 г. 23 июня (6 июля) от полчищ хана Ахмата, в 1521 г. 21 мая (3 июня) от Махмет-Гирея.
Просмотр(653)
